بقطف ورود الخدين.................

بقطف ورود الخدين
والورد بيحلى شرابو

ازراروا بترقص عالميلين
وانا واقف عاعتابوا

عاعتابو نور الجبين
جبين بيعلى بأحبابوا

احبابو قلب وعين
وعاشق يرجف بتيابوا

بتيابوا شوق وحنين
عللي زادو بعذابو

عذابو أيام وسنين
الغربه تعشعش بهدابوا

بهدابوا دمعات العين
عللي عن عينو غابوا

غابوا ومدري كانوا وين
وبستانو جف ترابو

ترابو ناطر غيمة حب
حروفا تمطر عاكتابو

كتابو لهفة محرومين
وطفل بينطر شبابو

شبابو كلمات الحب
تزغرد عادوا أصحابو

تيقطف ورد الخدين
والورد بيحلى شرابو